माझा जबरा फॅन पहाटे तीन वाजता उठला आमच्यासाठी वीस भाकरी आणि शेपू आणि वाल याची गरमागरम चटणी घेऊन हा दुचाकीवर गुलबर्गाला आला...

अशी ही एका फेसबुक फॅनची सुंदर कहाणी...

हा आहे कर्नाटक मधील गुलबर्गा भागातील शहाबाद जवळच्या भंकुर ग्रामपंचायतचा सदस्य यशवंत चव्हाण ज्याला मी आजपर्यंत कधीच पाहिले नव्हते,

पण तो गेल्या कोरोना पासून सतत फेसबुक वरील माझे लाईव्ह पाहून मला तोडक्या मोडक्या हिंदी भाषेत फोन करतो...

माझी परवाची तिरुपती बालाजी ची पोस्ट पाहून त्याने रात्री फोन केला आणि जाताना शाहाबाद येथील वाडी या स्टेशनला थांबण्याचा आग्रह केला...

मीही त्याला हो भरली परंतु अडचण झाली ती वेळेची...

रात्री रेणुगुंठा येथून नऊ वाजता निघालेली गाडी पहाटे साडेपाच वाजता वाडी येथे पोहोचणार होती,

मी यशवंतला विचारले अरे गाडी पहाटे येणार आहे मग कसे काय करणार तो म्हटला नाही भाऊ मी येतो...,

मी सुद्धा त्याला भेटण्यासाठी पहाटे पाच चा गजर लावला आणि उठलोही त्याला फोन केला तर यशवंत बोलला भाऊ मी गुलबर्गाला येतो त्याच्या घरापासून गुलबर्गा ३० किलोमीटर लांब होता,

तरीही हा माझा जबरा फॅन पहाटे तीन वाजता उठला आमच्यासाठी वीस भाकरी आणि शेपू आणि वाल याची गरमागरम चटणी घेऊन हा दुचाकीवर गुलबर्गाला आला...

मी रेल्वेमधून बाहेर येण्याच्या आधी यशवंत माझ्यासमोर उभा होता यशवंत ला पाहून मी करत असलेल्या कामाचा मला खूप अभिमान वाटला आणि आम्ही सर्व मित्रांनी यशवंतने आणलेला गरमागरम नाष्टा काही वेळात संपवून टाकला...

तेव्हा मनात एक विचार आला मी मागील जन्मी नक्कीच काहीतरी पुण्य केले असेल म्हणून साऱ्या महाराष्ट्रभर मला माझे असे फॅन भेटतात...

सर्वांना खूप खूप धन्यवाद...

Credits with _ Shri Vasant More  

Posted by : Public Press91 Marathi