अभिनेता सुपरस्टार पुनीत राजकुमार यांचे दुःखद निधन

कन्नड चित्रपट क्षेत्रातील उत्तम कलावंत चित्रपट अभिनेता सुपरस्टार पुनीत राजकुमार यांचे दुःखद निधन

बंगळुरू : सुपरस्टार अभिनेता पुनीत राजकुमार यांचे आज सकाळी जिममध्ये व्यायाम करत असताना हृदयविकाराच्या झटक्याने निधन झाले. त्यांची प्रकृती खालावल्याने त्यांना बंगळुरू येथील विक्रम रुग्णालयात दाखल करण्यात आले. मात्र उपचारादरम्यान त्यांचं निधन झालं. कर्नाटकचे मुख्यमंत्री बसवराज एस बोम्मई अभिनेत्याची विचारणा करण्यासाठी रुग्णालयात उपस्थित होते.

पुनीत हा दिग्गज अभिनेते डॉ राजकुमार आणि पर्वतम्मा यांचा मुलगा आहे. त्याने २९ हून अधिक कन्नड चित्रपटांमध्ये काम केलं आहे. बालकलाकार म्हणून त्याने आपल्या कारकिर्दीला सुरुवात केली होती. १९८५ मध्ये 'बेट्टाडा हूवू' या चित्रपटातील अभिनयासाठी त्याला सर्वोत्कृष्ट बालकलाकाराचा राष्ट्रीय चित्रपट पुरस्कार मिळाला होता. त्याचबरोबर 'चालिसुवा मोडागालू' आणि 'येराडू नक्षत्रगालू' मधील अभिनयासाठी त्याला कर्नाटक राज्याचा सर्वोत्कृष्ट बालकलाकाराचा पुरस्कार मिळाला होता.